میں نے اقرار کیا

ایک نظر پیار سے ائے جان تمنا دیکھو

چھوڑو بھی غصہ یوں غصے سے ہمیں نا دیکھو

تم جو ہر بات پہ یوں مجھ سے خفا ہوتی ہو

کس قدر ہوتا ہے نقصان ہمارا دیکھو

بھیڑئیے بھوکے سرے عام نظر آنے لگے

دیکھو سر سے نہ سرک جائے دوپٹہ دیکھو

جیسے قُمری کوئی باغیچے میں نغمہ گائے

ایسا شیریں ہے مری جان کا لہجہ دیکھو

میں نے اقرار کیا تم ہو محبت میری

تم بھی اقرار کرو جان تمنا دیکھو

سنتھ کے بھیس میں راون ہی ملا کرتے ہیں

پار کر دینا نہ لچھمن کی یہ ریکھا دیکھو

ہر کسی کیلئے لب پر نہ تبسم لاؤ

ورنہ یہ بھول بھی پڑ سکتا ہے مہنگا دیکھو

مدعی تو ہیں سبھی لوگ یہاں پر لیکن

کس کے سر جاتا ہے اب جیت کا سہرا دیکھو

رہ گیا فیضی بہت کچھ ابھی لکھنا باقی

ہائے افسوس ادھوری مِری رچنا دیکھو